హిజాబ్ ధరించి.. ఫ్యాన్స్‌కు రష్మిక సర్‌ప్రైజ్

దిశ, వెబ్‌డెస్క్: నేషనల్ క్రష్ రష్మిక మందన గురించి ప్రత్యేకంగా పరిచయాలు అవసరం లేదు. పుష్ప సినిమాలో నటించి ప్రేక్షకుల్లో ఫుల్ క్రేజ్ సంపాదించుకుంది. ప్రస్తుతం మలయాళ స్టార్ హీరో దుల్కర్ సల్మాన్ హీరోగా, హ‌ను రాఘ‌వ‌పూడి దర్శకత్వంలో వస్తున్న సినిమా సీతారామం. మృణాల్ ఠాకూర్ హీరోయిన్ గా నటిస్తుండగా.. క్రేజీ బ్యూటీ రష్మిక మందన కీలక పాత్రలో కనిపించనుంది. ఈ పాత్ర సినిమాలో ఎంతో కీలకం కానుందట.

ఇప్పటికే ఈ సినిమా నుండి రిలీజైన సాంగ్స్, టీజర్ ప్రేక్షకులను విపరీతంగా ఆకట్టుకున్న సంగతి తెలిసిందే. ఈ నేపథ్యంలో తాజాగా రష్మిక లుక్ రివీల్ చేశారు మేకర్స్. విడుదల చేసిన ఈ పోస్టర్‌లో ఓ ముస్లిం యువతిగా హిజాబ్ ధరించి కనిపిస్తూ ఫ్యాన్స్‌ను సర్ ప్రైజ్ చేసింది రష్మిక మందన. ఈ పోస్టర్ ను రష్మిక తన ట్విట్టర్ ద్వారా అభిమానులతో పంచుకుంది. అది చూసిన నెటిజన్లు ఫుల్ ఖుషీ అవుతున్నారు.