Kannappa: కన్నప్ప నుంచి ప్రభాస్ లుక్ వైరల్.. అత్యవసర విజ్ఞప్తి అంటూ ఆసక్తికర ట్వీట్ పెట్టిన టీమ్

దిశ, సినిమా: మంచు విష్ణు డ్రీమ్ ప్రాజెక్టుగా తెరకెక్కుతున్న ‘కన్నప్ప’ (Kannappa) నుంచి తాజాగా ప్రభాస్ (Prabhas) లుక్ సోషల్ మీడియాలో వైరల్ అయింది. దీనిపై కన్నప్ప టీమ్ సీరియస్ (serious)గా స్పందిస్తూ.. స్ట్రాంగ్ రిప్లై ఇచ్చారు. ఈ మేరకు కన్నప్ప టీమ్ నుంచి అత్యవసర, హృదయపూర్వక విజ్ఞప్తి (appeal).. ప్రియమైన ప్రభాస్ అభిమానులు మరియు అందరి కథానాయకుల అభిమానులను కోరుతున్నది ఏమనగా.. కన్నప్ప కోసం గత ఎనిమిది సంవత్సరాలుగా మేము మా హృదయాలను, ప్రాణాలను అర్పించాము. రెండు సంవత్సరాల నిబద్ధతతో ఈ ప్రాజెక్ట్‌ను పూర్తి చేయడానికి మా టీమ్ నిరంతరం కృషి చేస్తోంది. ఇలాంటి క్షణంలో కన్నప్ప సినిమా నుంచి ఒక వర్క్ ఇన్ ప్రోగ్రెస్ ఇమేజ్ అనధికారంగా లీక్ అయినందుకు చాలా బాధ పడుతున్నాము, చింతిస్తున్నాము. ఈ లీక్ మా కష్టాన్ని మాత్రమే కాకుండా, ఈ ప్రాజెక్ట్‌లపై  నిరంతరం కృషి చేస్తున్న 2,000 మందికి పైగా VFX కళాకారుల జీవితాలను కూడా ప్రభావితం చేస్తోంది.

ఈ లీక్  (leak) ఎలా జరిగింది అనేది కనుగొనేందుకు మేము పోలీస్ (police) కేసు పెట్టడం జరుగుతోంది. ఈ లీక్ అయిన ఇమేజ్ పుటేజ్ (Image putage)ను ఎవరైనా షేర్ (share) చేస్తూ ఉంటే, ఆ దొంగల్ని పట్టుకోమని అభిమానులందర్నీ మనస్ఫూర్తిగా కోరుతున్నాము. దీనిని షేర్ చేయడం ద్వారా, చట్టపరమైన చర్యలకు గురి కావాల్సి ఉంటుంది. ఈ లీక్ చేసిన వారిని ఎవరైనా కనుగొంటే, వారికి 5,00,000 రూపాయలు బహుమానంగా ఇస్తున్నాం. ఈ విషయం తెలుసుకున్న వెంటనే 24 ఫ్రేమ్స్ ఫ్యాక్టరీ ట్విట్టర్ అకౌంట్ కు డైరెక్ట్ మెసేజ్ పంపండి అని ప్రార్ధిస్తున్నాము. ప్రేమ మరియు నిబద్ధతతో పుట్టిన ఈ ప్రాజెక్ట్ INTEGRITYని కాపాడటానికి మీ సహాయాన్ని మనస్ఫూర్తిగా కోరుతున్నాము. ఈ సినిమా స్ఫూర్తిని కాపాడటంలో మాతో చేతులు కలపండి. హృదయపూర్వక కృతజ్ఞతలతో కన్నప్ప టీమ్’ అని ఓ నోట్ షేర్ చేశారు.

Read More ...

Prabhas Look Leak: ప్రభాస్ లుక్ లీక్.. అతన్ని కనిపెట్టిన వారికి రూ.5 లక్షలు