కల్యాణ్ మూవీకి పవర్ ఫుల్ టైటిల్.. ఫిక్స్ చేసిన ప్రశాంత్..?

దిశ, వెబ్‌డెస్క్: టాలీవుడ్‌లో స్టార్ డమ్ కోసం ప్రయత్నిస్తున్న హీరోల్లో నందమూరి యువ హీరో కల్యాణ్ రామ్ ఒకడు. 'పటాస్' మూవీ తర్వాత కల్యాణ్ మళ్లీ అంతటి హిట్ అందుకోలేక పోయాడు. తర్వాత వరుస సినిమాలు చేసినప్పటికీ హిట్ కొట్టలేక పోయాడు. అయితే కొంత గ్యాప్ తర్వాత కల్యాణ్ ఎలాగైనా హిట్ అందుకోవాలని చూస్తున్నాడు. ఈ క్రమంలోనే పవన్ యాక్షన్ పీరియాడికల్ మూవీగా 'బింబిసార' చేస్తున్నాడు. ఇదిలా ఉంటే తాజాగా కల్యాణ్ తన నెక్స్ట్ మూవీని 'జాంబిరెడ్డి' డైరెక్టర్ ప్రశాంత్‌తో జతకట్టనున్నాడట.

ఈ సినిమాకి మేకర్స్ పవర్ ఫుల్ టైటిల్ ఫిక్స్ చేశారట. ఈ కాంబో ఎప్పటి నుంచో చర్చల్లో ఉందని, ఇన్నాళ్లకు పట్టాలెక్కనుందని టాక్ నడుస్తోంది. ఈ మూవీకి మేకర్స్ 'అధీరా' టైటిల్ ఫిక్స్ చేశారట. దీనికి సంబంధించిన అధికారిక ప్రకటన కూడా త్వరలో రానుందని వార్తలు వస్తున్నాయి. ఈ సినిమాతో ప్రశాంత్ మొదటిసారి స్టార్ హీరోను డైరెక్ట్ చేయనున్నాడు. ఈ సినిమాకు ప్రశాంత్ నెవ్వర్ బిఫోర్ స్క్రిప్ట్‌ను రెడీ చేస్తున్నాడట.

ఇందులో కల్యాణ్‌ను చాలా కొత్తగా చూపించనున్నాడని వార్తలు వస్తున్నాయి. అయితే కల్యాణ్ రామ్ తన యాక్టింగ్ కెరీర్‌ని మెరుగు పరుచుకునేందుకు యాక్టింగ్ క్లాసులు కూడా తీసుకున్నాడని, డైలాగ్ డెలివరీ, ఫైట్స్ ఇలా మరిన్నింటిలో ట్రైనింగ్ తీసుకున్నాడని సమాచారం. మరి కల్యాణ్ తన కెరీర్‌లో ఆశించిన హిట్ అందుకుండాడో లేదో చూడాలి.