ఉజ్జయిని మహంకాళి అమ్మవారికి తొలి బోనం సమర్పించిన మంత్రి తలసాని..

దిశ, వెబ్‌డెస్క్: సికింద్రాబాద్ ఉజ్జయిని మహంకాళి అమ్మవారి బోనాలు ఘనంగా ప్రారంభమయ్యాయి. మంత్రి తలసాని శ్రీనివాస్ యాదవ్ తెల్లవారుజామున 4 గంటలకు అమ్మవారికి తొలి బోనం సమర్పించారు. అనంతరం మహంకాళికి ప్రత్యేక పూజలు చేశారు. అమ్మవారికి బోనాలు సమర్పించుకోవడానికి భక్తులు భారీగా తరలివస్తున్నారు.

దీంతో మహంకాళి అమ్మవారి ఆలయంలో సందడి నెలకొంది. ఉజ్జయిని మహంకాళి ఆలయానికి ఇవాళ పలువురు వీఐపీలు రానున్నారు. అమ్మవారిని దర్శించుకోనున్నారు. మధ్యాహ్నం సీఎం కేసీఆర్‌ కుటుంబ సమేతంగా అమ్మవారి దర్శనం చేసుకుంటారు. దీంతో పలు రూట్లలలో ట్రాఫిక్‌ను మళ్లించారు.