కేసీఆర్ క్రికెట్ టోర్ని జెర్సీ టీ షర్ట్స్‌ని ఆవిష్కరించిన మంత్రి హరీశ్ రావు
దిశ, సిద్దిపేట: కేసీఆర్ క్రికెట్ టోర్ని ఈ నెల ఫిబ్రవరి 17న ప్రారంభం కానున్నది. ఈ టోర్నీ జెర్సీ టీ షర్టులను రాష్ట్ర ఆర్థిక, వైద్య ఆరోగ్య శాఖ మంత్రి హరీశ్ రావు సోమవారం క్యాంపు కార్యాలయంలో ఆవిష్కరించారు. సీఎం కేసీఆర్ క్రికెట్ ట్రోఫీలో నియోజకవర్గ పరిధిలోని అన్నీ గ్రామాలు, పట్టణంలోని అన్నీ వార్డులు కలుపుకుని 250 జట్లు బరిలోకి దిగనున్నట్లు టోర్నీ ఇంచార్జి మచ్చవేణుగోపాల్ రెడ్డి తెలిపారు. 15వ తేదీ మంగళవారం క్యాంపు కార్యాలయంలో జట్ల వారీగా డ్రా తీయనున్నట్లు తెలిపారు.