బాయ్ ఫ్రెండ్ పేరును అక్కడ రాయించుకున్న ఖుషీ కపూర్.. మీ అక్కాచెల్లెళ్లకు ఇదేం పిచ్చి అంటున్న నెటిజన్లు

దిశ, సినిమా: అతిలోక సుందరి శ్రీదేవి, బోనీ కపూర్ తనయురాలు ఖుషీ కపూర్ గురించి ప్రత్యేకంగా చెప్పాల్సిన పనిలేదు. ‘ది ఆర్చీస్’ అనే సినిమాలో నటించిన ఈ భామ తన అందం, అభినయంతో ఆకట్టుకుంది. కానీ సినిమాల్లో మాత్రం అంతగా ఫేమ్ సంపాదించుకోలేదు. అయితే సోషల్ మీడియాలో మాత్రం నిత్యం యాక్టీవ్‌గా ఉంటూ లేటెస్ట్ ఫొటోలతో, తన వ్యక్తిగత విషయాలను పంచుకుంటూ అభిమానులకు దగ్గరవుతూ ఉంటుంది. ఇక ఈమెకు సోషల్ మీడియాలో ఉన్న ఫ్యాన్ ఫాలోయింగ్ గురించి అయితే స్పెషల్‌గా చెప్పాల్సిన పనిలేదు. ఈ క్రమంలో ఖుషీ కపూర్‌కు సంబంధించిన ఓ న్యూస్ నెట్టింట చక్కర్లు కొడుతోంది.

ఖుషీ కపూర్ చాలా రోజులుగా డేటింగ్‌లో ఉన్నట్లు వార్తలు వస్తునే ఉన్న సంగతి తెలిసిందే. అయితే ఇప్పుడు ఈ భామ తన బాయ్ ఫ్రెండ్ అయిన వేదాంగ్ రైనా పేరును బ్రేస్ లెట్ పై రాయించుకోవడం విశేషం. ఇప్పటికే ఈ ఇద్దరూ కలిసి ఎన్నోసార్లు పబ్లిక్‌గా కనిపించినా ఎప్పుడూ తమ రిలేషన్ షిప్‌ను కన్ఫమ్ చేయలేదు. కానీ ఇప్పుడీ బ్రేస్‌లెట్‌తో ఆమె ఆ విషయాన్ని కన్ఫమ్ చేసినట్లే అని అభిమానులు భావిస్తున్నారు. ఈ మధ్యే ఈ ప్రేమ జంట మాల్దీవుల్లో వెకేషన్‌కు వెళ్లింది. ఆ ఫొటోలను సోషల్ మీడియాలో షేర్ చేశారు. అందులో ఖుషీ కపూర్ రెడ్ బికినీలో కనిపించింది. ఆ సమయంలో ఆమె వేసుకున్న బ్రేస్‌లెట్ పై వేదాంగ్ రైనా పేరు కనిపించింది. దీంతో ఈ ఫొటోలు నెట్టింట వైరల్‌గా మారాయి. ఇక వీటిని చూసిన నెటిజన్లు మీ అక్కాచెల్లెళ్లకు ఇదేం పిచ్చి అంటూ కామెంట్స్ చేస్తున్నారు. (ఖుషీ కపూర్ అక్క జాన్వీ కపూర్ ఇప్పటికే శిఖర్ పహరియాతో డేటింగ్‌లో ఉంటూ అతని పేరును ఆమె తన నెక్లెస్ పై రాయించుకున్న సంగతి తెలిసిందే)

కాగా ఖుషీ కపూర్, వేదాంగ్ రైనా ఇద్దరూ ఆ మధ్య నెట్‌ఫ్లిక్స్‌లో వచ్చిన ది ఆర్చీస్ మూవీలో నటించిన సంగతి తెలిసిందే. ఇక అప్పటి నుంచే వీళ్ల మధ్య ఏదో జరుగుతోందన్న పుకార్లు మొదలయ్యాయి. మరి చూడాలి ఇప్పటికైన తమ రిలేషన్ గురించి పెదవి విప్పుతారో లేదో.