మహేష్ బాబు ఫ్యాన్స్‌కు గుడ్ న్యూస్.. త్రివిక్రమ్ సినిమాకు డేట్స్ ఫిక్స్!

దిశ, వెబ్‌డెస్క్: టాలీవుడ్ సూపర్ స్టార్ మహేష్ బాబు 'సర్కారు వారి పాట' సినిమా సక్సెస్ ను ఎంజాయ్ చేస్తున్నాడు. తాజాగా, మాటల మాంత్రికుడు త్రివిక్రమ్ కాంబినేషన్‌లో ఓ సినిమా రాబోతున్న విషయం తెలిసిందే. అయితే మహేష్-త్రివిక్రమ్ కాంబినేషన్ అనగానే ఈ మూవీపై అభిమానుల్లో భారీ అంచనాలు నెలకొన్నాయి. ఈ సినిమా సెట్స్‌పైకి ఎప్పుడెప్పుడు వెళ్తందా అని ఆత్రుతగా ఎదురు చూస్తున్న ఫ్యాన్స్‌కు గుడ్ న్యూస్ తెలిపింది చిత్రబృందం.

ఈ నేపథ్యంలో ఈ మూవీకి సంబంధించిన ఓ క్రేజీ అప్‌డేట్‌ను ట్విట్టర్ వేదికగా వదిలారు మేకర్స్‌. ''ఎస్‌ఎస్‌ఎంబీ28 చిత్రం ప్రస్తుతం ప్రీ-ప్రొడక్షన్‌ పనులను జరుపుకుంటోంది. ఆగస్ట్‌లో రెగ్యూలర్‌ షూటింగ్‌ జరగనుంది. అలాగే వచ్చే ఏడాది సమ్మర్‌లో ఈ సినిమాను విడుదల చేయబోతున్నట్లు ''ఈ సందర్భంగా ప్రకటించారు. దీంతోపాటు ఓ వీడియోను కూడా వదిలారు మేకర్స్. అది చూసిన నెటిజన్లు ఫుల్ ఖుషి అవుతున్నారు.