2023 సమ్మర్‌ రేస్‌.. పోటాపోటీగా స్టార్ హీరోల చిత్రాలు

దిశ, సినిమా : ఈ ఏడాది వేసవిలో 'ఆర్‌ఆర్‌ఆర్, కేజీఎఫ్ 2, ఆచార్య, సర్కారు వారి పాట, ఎఫ్3 , అఖండ' వంటి స్టార్ హీరోల చిత్రాలు బాక్సాఫీస్ వద్ద కలెక్షన్ల వర్షం కురిపించాయి. పోటీ పడి మరీ ప్రేక్షకులకు ఎంటర్‌న్మెంట్ పంచాయి. ఇదిలా ఉంటే.. 2023 సమ్మర్‌లో కూడా ఇదే సీన్ రిపీట్ కాబోతోంది. మెగా పవర్ స్టార్ రామ్‌చరణ్-శంకర్‌ కాంబినేషన్‌లో తెరకెక్కుతున్న పొలిటికల్ యాక్షన్ థ్రిల్లర్‌‌ను వచ్చే ఏడాది వేసవిలో రిలీజ్ చేసేందుకు ప్లాన్ చేస్తున్నారు మేకర్స్.

ఇక 'సర్కారు వారి పాట చిత్రం'తో బ్లాక్ బస్టర్ కొట్టిన మహేష్ బాబు తన తదుపరి చిత్రాన్ని త్రివిక్రమ్‌‌తో కమిటైన సంగతి తెలిసిందే. రెగ్యులర్‌ షూటింగ్‌ ఆగస్టులో ప్రారంభమవనుండగా.. ఈ చిత్రం కూడా 2023 సమ్మర్ రేస్‌లో నిలిచింది. వీటితో పాటు కొరటాల శివ దర్శకత్వం వహిస్తున్న #NTR30, ప్రశాంత్ నీల్‌-ప్రభాస్ యాక్షన్ ఎపిక్ 'సలార్' చిత్రాలు కూడా వేసవి టార్గెట్‌‌గా షూటింగ్ జరుపుకోనున్నాయి.