Thaman : తమన్ మాటలకు హర్ట్ అయిన దేవి శ్రీ ప్రసాద్.. ఎందుకంటే?

దిశ, వెబ్ డెస్క్ : పుష్ప 2 ( Pushpa 2) విడుదలకు సిద్దమవుతుంది. అయితే, ఈ సమయంలో సినిమాకి సంబంధించిన ఓ వార్త నెట్టింట వైరల్ అవుతుంది. పుష్ప 2 ( Pushpa 2) మూవీ బ్యాక్‌గ్రౌండ్‌ మ్యూజిక్ ను దేవిశ్రీప్రసాద్‌ తో కాకుండా తమన్ తో చేపిస్తున్నారంటూ ఎన్నో వార్తలు వస్తున్నాయి. దీనిపై, తమన్ (Thaman S) క్లారిటీ ఇవ్వగా.. ఆయన మాటలతో దేవీ (Devi Sri Prasad) చాలా ఫీల్ అయ్యాడని తెలుస్తోంది. అసలేం జరిగిందో ఇక్కడ తెలుసుకుందాం..

తెలుగు సినీ ఇండస్ట్రీలోనే కాదు పుష్ప 2 మీద ఉత్తరాదిలోనూ భారీ క్రేజ్ ఉంది. డిసెంబర్ 5న ఈ సినిమా మన ముందుకు రానుంది. రిలీజ్ కు ముందు పుష్ప 2 సినిమా గురించి ఎన్నడూ లేని విధంగా ఎన్నో గాసిప్‌లు వస్తున్నాయి. పుష్ప రెండు పార్ట్‌లకు దేవీశ్రీ ప్రసాద్ సంగీతాన్ని అందించాడు. ఐతే, సినిమా అవుట్ పుట్ కోసం స్పీడ్‌ పెంచాలని నిర్ణయం తీసుకున్న సుకుమార్‌.. కొంతమంది మ్యూజిక్ డైరెక్టర్లతో రీరికార్డింగ్ చేయిస్తున్నాడు. వారిలో తమన్ కూడా ఒకరు. ఇటీవలే జరిగిన డాకూ మహారాజ్ మూవీ టీజర్ లాంచ్‌లో తమన్‌ ఇచ్చిన క్లారిటీ.. దేవీ శ్రీ ప్రసాద్‌ హర్ట్ అయ్యేలా చేశాడు.

పుష్ప2కు తాను కూడా పని చేస్తున్న అని, ఆ ఈవెంట్‌లో చెప్పాడు. ఈ మాటల వలన దేవీశ్రీప్రసాద్ బాధ పడినట్లు తెలుస్తోంది. అతని మ్యూజిక్‌ నచ్చకపోవడంతోనే.. థమన్‌తో ఈ మూవీ బ్యాక్‌గ్రౌండ్ మ్యూజిక్ చేయించారని.. జోరుగా ప్రచారం జరుగుతోంది. దీనిపై మూవీ ఎలా స్పందిస్తుందో చూడాలి.