RajaSaab: భారీ ధరకు అమ్ముడుపోయిన రాజాసాబ్ ఆడియో రైట్స్..హ్యారీ పోటర్ సినిమా వైబ్స్ వచ్చాయంటూ ప్రొడ్యూసర్ ఇంట్రెస్టింగ్ కామెంట్స్

దిశ, వెబ్‌డెస్క్: వరుస బ్లాక్ బస్టర్ చిత్రాలతో దుమ్ము రేపుతున్నాడు పాన్ ఇండియా స్టార్ ప్రభాస్(prabhas). చివరగా నటించిన కల్కి 2898 (Kalki 2898) సినిమా కూడా బాక్సాఫీసు వద్ద భారీ వసూళ్లు కొల్లగొట్టింది. కల్కి దెబ్బతో రెబల్ స్టార్ సినిమాలపై ప్రేక్షకుల్లో క్యూరియాసిటీ నెలకొంది. నెక్ట్స్ వచ్చే చిత్రాల కోసం ఆత్రుతగా ఎదురుచూస్తున్నారు ఫ్యాన్స్. ప్రస్తుతం ప్రభాస్ రాజాసాబ్(Rajasab), స్పిరిట్(Spirit), సలార్-2 (Salar-2) సినిమాల్లో నటిస్తోన్న విషయం తెలిసిందే. పాన్ ఇండియా స్టార్ షూటింగ్‌లో బిజీబిజీగా గడిపేస్తున్నాడు. ఇప్పటికే రాజాసాబ్ సినిమాకు సంబంధించిన పోస్టర్లు, గ్లింప్స్ వదిలగా.. అభిమానుల్లో మరింత ఎగ్జైటింగ్ మొదలైంది. వచ్చే ఏడాది ఏప్రిల్ 10 వ తేదీన ప్రేక్షకుల ముందుకు రానున్న ఈ బ్లాక్ బస్టర్ చిత్రం గురించి తాజాగా బాలీవుడ్ ప్రముఖ ప్రొడ్యూసర్ భూషణ్ కుమార్(Bhushan Kumar) ఇంట్రెస్టింగ్ కామెంట్స్ చేశారు.

ఓ ఇంటర్వ్యూకు హాజరైన భూషణ్.. రాజాసాబ్ చిత్రం ఆడియో రైట్స్ వారే తీసుకున్నారని వెల్లడించారు. అలాగే ఈ మూవీలోని పలు సన్నివేశాలు అండ్ సాంగ్స్ విజువల్స్ వీక్షించామని అన్నారు. అవి చూస్తుంటే మాత్రం హాలీవుడ్(Hollywood) మూవీ హ్యారీ పోటర్ వైబ్స్(Harry Potter vibes) కనిపించాయంటూ సినీ ప్రేక్షకుల్ని భయపెట్టారు. రాజాసాబ్ మాత్రం సినీ ప్రేక్షకుల్ని తప్పకుండా భయపెడుతుందని.. కానీ బ్లాక్ బస్టర్ హిట్ అవుతుందని వ్యాఖ్యానించాడు. ప్రస్తుతం ఈ నిర్మాత వ్యాఖ్యలు ప్రేక్షకుల్లో హైప్ పెంచుతున్నాయి. అలాగే ఈ చిత్ర ఆడియో రైట్స్ 25 కోట్ల రూపాయలకు కొన్నారని టాక్ వినిపిస్తోంది.