దిశ, సినిమా: బాలీవుడ్ నటి దీపికా పదుకొణె నటించిన తాజా చిత్రం 'గెహ్రాయియా'. ఈ మూవీ విడుదల సందర్భంగా ఓ ఇంటర్వ్యూలో పాల్గొన్న నటి తన వృత్తి-వ్యక్తిగత జీవితానికి సంబంధించి ఆసక్తికర విషయాలు వెల్లడించింది. బాహుబలి స్టార్ ప్రభాస్‌తో తదుపరి సినిమా చేస్తున్న బ్యూటీ.. తెలుగు హీరోలపై ఇంట్రెస్టింగ్‌ కామెంట్స్ చేసింది. టాలీవుడ్‌లో ఏ హీరోతో నటించాలని ఉందంటూ ఓ విలేకరి అడిగిన ప్రశ్నకు.. 'జూనియర్ ఎన్టీఆర్‌తో చేయాలని ఉంది. అవకాశమొస్తే వదులుకోను. అల్లు అర్జున్‌తో నటించేందుకూ సిద్ధమే. ఈ ఇద్దరి నటనంటే చాలా ఇష్టం. ఇక డైరెక్టర్స్‌ విషయానికొస్తే.. ఎస్‌‌ఎస్‌ రాజమౌళి ప్రాజెక్ట్‌లో చాన్స్ కోసం ఎదురుచూస్తున్నా' అంటూ చెప్పుకొచ్చింది. కాగా శుక్రవారం విడుదలైన 'గెహ్రాయియా' చిత్రంలో దీపిక రొమాన్స్‌పై నెటిజన్లు నెగెటివ్‌గా కామెంట్ చేస్తున్న సంగతి తెలిసిందే.