Mekapati Vikram Reddy: ఎమ్మెల్యే మేకపాటి విక్రమ్ రెడ్డిని అభినందించిన సీఎం జగన్

దిశ, ఏపీ బ్యూరో : Atmakur MLA Mekapati Vikram Reddy Meets CM Jagan| నెల్లూరు జిల్లా ఆత్మకూరు ఉప ఎన్నికల్లో ఘన విజయం సాధించిన ఎమ్మెల్యే మేకపాటి విక్రమ్ రెడ్డి ముఖ్యమంత్రి వైఎస్ జగన్‌ను మర్యాదపూర్వకంగా కలిశారు. తాడేపల్లిలోని క్యాంపు కార్యాలయంలో ముఖ్యమంత్రి వైఎస్‌ జగన్‌ను మంత్రులు కాకాణి గోవర్ధన్‌ రెడ్డి, కారుమూరి నాగేశ్వరరావులతో కలిసి సీఎంతో భేటీ అయ్యారు. ఈ సందర్బంగా సీఎం వైఎస్ జగన్ ఎమ్మెల్యే మేకపాటి విక్రమ్ రెడ్డిని అభినందించారు. అలాగే ఉపఎన్నికల్లో వైఎస్ఆర్ కాంగ్రెస్ పార్టీ అభ్యర్థి మేకపాటి విక్రమ్ రెడ్డి గెలుపునకు సహకరించిన ప్రతీ ఒక్కరికీ సీఎం జగన్ కృతజ్ఞతలు తెలిపారు. నెల్లూరు జిల్లాలో నేతలందరూ ఐక్యంగా పని చేసి అద్భుతమైన విజయం సాధించారని ముఖ్యమంత్రి వైఎస్ జగన్మోహన్ రెడ్డి అభినందనలు తెలియజేశారు. ఇదే స్ఫూర్తితో జిల్లాలో మరింత రెట్టించిన ఉత్సాహంతో పని చేయాలని ఆదేశించారు. మంత్రి హోదాలో తొలి ఎన్నికల్లోనే విజయం సాధించిన వ్యవసాయ శాఖ మాత్యులు కాకాని గోవర్ధన్ రెడ్డికి ముఖ్యమంత్రి వైఎస్ జగన్ అభినందనలు తెలియజేశారు.