ALLU ARJUN: వారు లేనిదే 'పుష్ప' లేదు.. ఐకాన్ స్టార్ ఇంట్రెస్టింగ్ కామెంట్స్
ఐకాన్ స్టార్ అల్లు అర్జున్, రష్మిక మందన్న జంటగా నటిస్తోన్న పాన్ ఇండియా మూవీ ‘పుష్ప 2’.
దిశ, సినిమా: ఐకాన్ స్టార్ అల్లు అర్జున్, రష్మిక మందన్న జంటగా నటిస్తోన్న పాన్ ఇండియా మూవీ ‘పుష్ప 2’. సుకుమార్ దర్శకత్వం వహిస్తున్న ఈ సినిమాను మైత్రి మూవీ మేకర్స్ పతాకంపై ఇండియాస్ ఫేమస్ ప్రొడ్యూసర్స్ నవీన్ ఎర్నేని, యలమంచిలి రవి శంకర్‌లు అత్యంత ప్రతిష్టాత్మకంగా నిర్మిస్తున్నారు. ఇక ఈ సినిమా రిలీజ్ కోసం ప్రపంచవ్యాప్తంగా ఉన్న సినీ లవర్స్ ఎంతో ఈగర్‌గా వెయిట్ చేస్తున్నారు. కాగా ఈ చిత్రం డిసెంబర్ 5న థియేటర్లలో విడుదల కానుంది. ఈ నేపథ్యంలో మూవీ టీమ్ లియో ముత్తు ఇండోర్ స్టేడియంలో వేడుక నిర్వహించింది. ఇక ఈ వేడుకకు అల్లు అర్జున్, రష్మిక, శ్రీ లీల, కోలీవుడ్ దర్శకుడు దిలీప్ కుమార్ తదితరులు పాల్గొన్నారు. ఇదే వేడుకలో కిస్సిక్ సాంగ్‌ను కూడా విడుదల చేశారు.
అయితే ఈ సందర్భంగా అల్లు అర్జున్ మాట్లాడుతూ.. ‘చెన్నై వస్తే ఆ ఫీలే వేరు. నాకు ఈ ల్యాండ్‌తో అనుబంధం ఉంది. మీ జీవితంలోని తొలి 20 ఏళ్లు ఎలా గడిపారో.. మిగతా జీవితం అలా ఉంటుంది. నా లైఫ్‌లో ఫస్ట్ 20 ఇయర్స్ చెన్నైలోనే గడిచాయి. నేనేం సాధించినా అదంతా చెన్నైకే అంకితం. మైత్రి మూవీ మేకర్స్ నిర్మాతలు లేకపోతే ఈ సినిమా అసాధ్యం. మాకు సొంత నిర్మాణ సంస్థ ఉన్నా చెబుతున్నా.. ‘పుష్ప’ని మైత్రి మూవీ మేకర్స్ చేసినట్టు ఏ సంస్థా చేయలేదు’ అంటూ ఐకాన్ స్టార్ చెప్పుకొచ్చాడు. ప్రస్తుతం ఈయన చేసిన కామెంట్స్ నెట్టింట వైరల్‌గా మారాయి. ఇక అల్లు అర్జున్ వ్యాఖ్యలపై నెటిజన్లు రకరకాలుగా స్పందిస్తున్నారు.