ఆగస్టు 12న వస్తున్న 'ఏజెంట్'.. మేకర్స్ అధికారిక ప్రకటన

దిశ, సినిమా: అక్కినేని అఖిల్‌- సురేందర్‌ రెడ్డి కాంబోలో వస్తున్న లేటెస్ట్ మూవీ 'ఏజెంట్‌'. యాక్షన్ థ్రిల్లర్‌గా తెరకెక్కుతున్న ఈ మూవీనుంచి తాజాగా బిగ్ అప్‌డేట్ ఇచ్చారు మేకర్స్. ఇప్పటికే ఈ సినిమా నుంచి సిక్స్‌ ప్యాక్‌ బాడీతో ఉన్న అఖిల్‌ లుక్‌, పోస్టర్లు రిలీజ్ చేయగా అభిమానులను ఆకట్టుకుంటున్నాయి. ఈ క్రమంలోనే చిత్రం విడుదల తేదీ పై అధికారిక ప్రకటన చేసిన చిత్ర బృందం.. 2022 ఆగస్టు 12న విడుదల చేయనున్నట్లు సోషల్ మీడియా వేదికగా ప్రకటించింది. ఇక ఈ మూవీలో అఖిల్‌కు జోడిగా సాక్షి వైద్య నటిస్తుండగా మలయాళ స్టార్‌ హీరో మమ్ముట్టి కీలక పాత్ర పోషిస్తున్నాడు. ఏకే ఎంటర్టైన్మెంట్స్, సురేందర్ 2 బ్యానర్స్ సంయుక్తంగా నిర్మిస్తుండగా తమన్‌ సంగీతం అందిస్తున్నాడు.