స్టూడెంట్స్ ప్రజెంట్.. టీచర్ ఆబ్సెంట్

దిశ, డోర్నకల్ : డోర్నకల్ మండలంలోని హున్య తండా ప్రభుత్వ పాఠశాలలో సుమారు పదిమంది విద్యార్థులు ఉన్నారు. మంగళవారం టీచర్ బడికి రాకపోవడం తో విద్యార్థులు ఆరు బయట ఆడుకుంటు కనిపించారు.టీచర్ లేరనే విషయంపై దిశ కాంప్లెక్స్ హెచ్ఎంకు వివరణ కోరగా తొలుత సదరు ఉపాధ్యాయుడు సెలవు పెట్టినట్లు తమకు సమాచారం లేదన్నారు.అనంతరం వాట్సప్ యాప్ లో తనిఖీ చేసి మెసేజ్ ద్వారా సెలవు కోరినట్లు తెలిపారు.

దీంతో హడావిడిగా మధ్యాహ్న సమయంలో ఓ ఉపాధ్యాయుని పురమాయిస్తున్నట్లు చెప్పారు.ప్రభుత్వ పాఠశాలలను బలోపేతం చేసేందుకు సీఎం రేవంత్ రెడ్డి విద్యాశాఖను తనే మానిటరింగ్ చేస్తునే దాదాపు 26 వేల కోట్ల బడ్జెట్ కూడా కేటాయించిన విషయం రాష్ట్ర ప్రజలకు తెలిసిందే.. కొందరు టీచర్ల వల్ల చాలామంది గిరిజన విద్యార్థులు చదువు దూరమవుతున్నారు.ఇలాంటి వారిపై జిల్లా అధికారులు తీసుకునే చర్యల కోసం వేచి చూద్దాం.