30 క్వింటాళ్ల నల్లబెల్లం పట్టివేత..

దిశ,నర్సింహులపేట: మహబూబాబాద్ జిల్లాలోని నర్సింహులపేట మండలం లో నల్ల బెల్లాన్ని పోలీసులు పట్టుకున్నారు. ఎస్సై తెలిపిన వివరాల ప్రకారం మండలంలోని జయపురం,రామన్నగూడెం క్రాస్ వద్ద మంగళవారం పోలీసులు వాహనాలు తనిఖీ చేస్తుండగా అనుమానాస్పదంగా వాహనం కనిపించింది .దీంతో వాహనం తనిఖీ చేయగా 60 బస్తాల్లో 30 క్వింటాళ్ల నల్ల బెల్లం తో పాటు రెండు క్వింటాళ్ల పట్టికను స్వాధీనం చేసుకున్నారు.మండలంలోని దాసు తండాకు చెందిన గుగులోతు వీరన్న,గుగులోతు హేమ,గుగులోతు శ్రీను లను అదుపులోకి తీసుకున్నారు. వీరు ఏపీలోని చిత్తూరు నుండి బెల్లం రవాణా చేసి శివారు తాండాలలో విక్రయిస్తున్నట్లు తెలిపారు. పట్టుబడిన బెల్లం విలువ 3.20లక్షల ఉంటుందని ఎస్సై సతీష్ చెప్పారు.