Thummala NageshwaraRao : రైతుకు సరైందే మా ప్రభుత్వం చేస్తుంది : తుమ్మల నాగేశ్వరరావు

దిశ, వెబ్ డెస్క్ : రైతుబంధుపై వ్యవసాయశాఖ మంత్రి తుమ్మల నాగేశ్వరరావు(Minister Thummala Nageshwara Rao) కీలక వ్యాఖ్యలు చేశారు. శుక్రవారం మహబూబ్ నగర్లో(Mahabubnager) జరిగిన రైతు పండగ(Rythu Pandaga) కార్యక్రమంలో పాల్గొన్న ఆయన పలు కీలక వ్యాఖ్యలు చేశారు. రైతులకు ఏది మంచిది అనుకుంటే అదే మా ప్రభుత్వం చేస్తుందని మంత్రి తుమ్మల వ్యాఖ్యానించారు. సన్నవడ్లపై బోనస్ ఇస్తున్న ఏకైక ప్రభుత్వం మాదేనని పేర్కొన్నారు. రైతుబంధు కంటే రైతులు పొందే బోనస్ ఎక్కవగా ఉందని, ఒక్కో రైతు రూ.15 వేల వరకు బోనస్ పొందుతున్నారని అన్నారు. సన్నవడ్లపై ఇస్తున్న బోనస్ పట్ల రైతులు హర్షం వ్యక్తం చేస్తున్నారని.. తమ ప్రభుత్వం రైతులకు ఏది మేలు అనుకుంటే అదే చేస్తామని.. పదవులు, ఓట్లను దృష్టిలో పెట్టుకొని పనిచేసే ప్రభుత్వం తమది కాదని తెలిపారు.