KTR: నా జైలు బ్యాడ్జీ జీవితాంతం ఆరాధనీయం : కేటీఆర్

దిశ, వెబ్ డెస్క్ : జెలుకెళ్లిన ఆ రోజు..జైలు జీవితాన్ని(prison life)గుర్తు చేసే ఆ బ్యాడ్జీ జీవితాంతం నాకు ఆరాధనీయమని బీఆర్ఎస్ వర్కింగ్ ప్రెసిడెంట్ కేటీఆర్(KTR) ఆసక్తికర వ్యాఖ్యలు చేశారు. తెలంగాణ రాష్ట్ర సాధన ఉద్యమంలో భాగంగా 15 ఏళ్ల క్రితం ఇదే రోజు నన్ను అరెస్టు చేసి వరంగల్ సెంట్రల్ జైలులో ఉంచారని ఎక్స్ వేదికగా ఆనాటి ఘటనతో కూడిన ఫోటోను కేటీఆర్ పోస్టు చేశారు. జైలులో నా గుర్తింపుకు సంబంధించిన కార్డు తనకు బ్యాడ్జ్ ఆఫ్ హానర్ అని, నా జీవితాంతం నేను ఆరాధించేదంటూ జైలులో ఆనాటి తన గుర్తింపు కార్డును కూడా ఎక్స్ లో కేటీఆర్ పంచుకున్నారు.

తెలంగాణ రాష్ట్ర సాధన ఉద్యమంలో జైలు కెళ్లడం గర్వకారణమంటూ కేటీఆర్ ఈ ట్వీట్ చేశారు. అయితే ఆయన రాజకీయ ప్రత్యర్థుల మాత్రం కేటీఆర్ కు జైలు భయం పట్టుకుందని, అందుకే తనకు జైలు కొత్త కాదన్నట్లుగా గత స్మృతులు నెమరువేసుకుంటు రానున్న జైలు జీవితానికి సిద్దమవుతున్నారంటూ కామెంట్లతో చురకలేస్తున్నారు.