TS: ఫిబ్రవరి 12 వరకు బడ్జెట్ సమావేశాలు

దిశ, డైనమిక్ బ్యూరో: ఈనెల 3వ తేదీన ప్రారంభమైన తెలంగాణ బడ్జెట్ సమావేశాలు ఫిబ్రవరి 12 వరకు కొనసాగుతాయని సీఎం కేసీఆర్ చెప్పారు. శాసనసభలో బీఏసీ సమావేశ నిర్ణయాలను ముఖ్యమంత్రి సభ్యులకు వెల్లడించారు. ఈ నెల 6వ తేదీన రాష్ట్ర బడ్జెట్ ప్రవేశపెట్టనున్నట్లు వెల్లడించారు. 5,7 తేదీలలో అసెంబ్లీకి సెలవు ప్రకటించారు. 8న బడ్జెట్‌పై సాధారణ చర్చ ఉంటుందని, 9,10,11 తేదీలలో పద్దులపై చర్చ కొనసాగుతుందని తెలిపారు. 12న ద్రవ్య వినిమయ బిల్లుపై చర్చ జరుగుతుందన్నారు. ఇంకా ఏమైనా అంశాలు మిగిలి ఉంటే బీఏసీలో చర్చించి నిర్ణయం తీసుకుంటామని ఆయన వివరించారు.