అభ్యర్థులకు బిగ్ అలర్ట్.. ఎగ్జామ్ షెడ్యూల్‌లో స్వల్ప మార్పులు

దిశ, తెలంగాణ బ్యూరో: స్టేట్ ఎలిజిబులిటీ టెస్ట్ (టీఎస్ సెట్) ఎగ్జామ్ షెడ్యూల్ మారింది. ఆగస్టులో నిర్వహించాల్సిన పరీక్షలను సెప్టెంబర్‌లో పెడ్తామని సెట్ అధికారులు ప్రకటించారు. ఈ మేరకు పరీక్షల రీషెడ్యూల్ రీలీజ్ చేశారు. గతంలో ఈనెల 28 నుంచి 31 వరకూ జరగాల్సిన పరీక్షలను.. సెప్టెంబర్ 10 నుంచి 13 వరకూ నిర్వహించనున్నట్టు అధికారులు ప్రకటించారు. ఎడిట్ ఆప్షన్‌ను ఆగస్టు 23,24 తేదీల్లో నిర్వహిస్తామని, హాల్ టికెట్లను సెప్టెంబర్ 2 నుంచి డౌన్ లోడ్ చేసుకోవచ్చని వెల్లడించారు. అయితే, యూజీసీ నెట్ పరీక్షల నేపథ్యంలో రీషెడ్యూల్ ఇచ్చినట్టు అధికారులు పేర్కొన్నారు.