బిగ్ బ్రేకింగ్: తెలంగాణ నూతన డీజీపీగా రవిగుప్త నియామకం

దిశ, వెబ్‌డెస్క్: తెలంగాణ నూతన డీజీపీగా సీనియర్ ఐపీఎస్ ఆఫీసర్ రవిగుప్త నియామకం అయ్యారు. కాగా, అసెంబ్లీ ఎన్నికల్లో కాంగ్రెస్ గెలిచే అవకాశం ఉండటంతో డీజీపీ అంజనీకుమార్ రేవంత్ రెడ్డికి వెళ్లి శుభాకాంక్షలు తెలిపారు. తెలంగాణలో ఎన్నికల కోడ్ అమలులో ఉండగానే రేవంత్ రెడ్డిని డీజీపీ కలవడంపై ఈసీ ఆగ్రహం వ్యక్తం చేసింది. ఎన్నికల నిబంధనలు ఉల్లంఘించిన నేపథ్యంలో డీజీపీ అంజనీకుమార్‌పై సస్పెన్షన్ వేటు వేసింది. సస్పెన్షన్‌కు గురైన అంజనీకుమార్ స్థానంలో అర్హతలు ఉన్న అధికారిని డీజీపీగా నియామించాలని తెలంగాణ సీఎస్‌ను ఎన్నికల సంఘం ఆదేశించింది. ఈ మేరకు ఐపీఎస్ అధికారి రవిగుప్తను తెలంగాణ నూతన డీజీపీగా నియమిస్తూ ప్రభుత్వ ప్రధాన కార్యదర్శి శాంత కుమారి ఉత్తర్వులు జారీ చేశారు.