పెద్దేముల్ నూతన ఎస్సైగా బాధ్యతలు స్వీకరించిన శ్రీధర్ రెడ్డి

దిశ, పెద్దేముల్: పెద్దేముల్ నూతన సబ్ ఇన్స్పెక్టర్ (ఎస్సై) గా శ్రీధర్ రెడ్డి శనివారం బాధ్యతలు స్వీకరించారు. ఇప్పటివరకు పెద్దేముల్ సబ్ ఇన్స్పెక్టర్ (ఎస్సై) గా విధులు నిర్వహించిన గిరి యాలాల పోలీస్ స్టేషన్ కు బదిలీపై వెళ్లారు. పెద్దేముల్ పోలీస్ స్టేషన్ లో నూతనంగా బాధ్యతలు స్వీకరించిన ఎస్సై శ్రీధర్ రెడ్డి మాట్లాడుతూ... మర్పల్లి పోలీస్ స్టేషన్ లో విధులు నిర్వహించి పెద్దేముల్ మండలానికి బదిలీపై వచ్చినట్లు తెలిపారు. మండల ప్రజలకు అందుబాటులో ఉండి ప్రజా సమస్యలను ఎప్పటికప్పుడు పరిష్కరించడానికి కృషి చేస్తానని అన్నారు. మండలంలో శాంతి భద్రతలను కాపాడేందుకు పోలీసు సిబ్బందికి సహకరించాలని అన్నారు. ఆలాగే ఇదివరకు పెద్దేముల్ ఎస్సై గా విధులు నిర్వహించిన గిరి మాట్లాడుతూ పెద్దేముల్ మండలంలో శాంతి భద్రతలను కాపాడేందుకు పోలిస్ సిబ్బందికి సహకరించిన మండల ప్రజలకు కృతజ్ఞతలు తెలిపారు.