సభా ప్రాంగణానికి చేరుకున్న రాహుల్ గాంధీ

దిశ, వెబ్ డెస్క్: ఖమ్మంలో నిర్వహిస్తున్న తెలంగాణ జనగర్జన సభా ప్రాంగణానికి కాంగ్రెస్ పార్టీ అగ్ర నేత రాహుల్ గాంధీ చేరుకున్నారు. హైదరాబాద్ నుంచి ప్రత్యేక హెలికాప్టర్ లో రాహుల్ ఖమ్మం సభా స్థలికి చేరుకున్నారు. రాహుల్ గాంధీ సభా ప్రాంగణానికి చేరుకోగానే జై రాహుల్, జై కాంగ్రెస్ నినాదాలతో కార్యకర్తలు హోరెత్తించారు.

ఓపెన్ టాప్ కారులో రాహుల్ సభా ప్రాంగణానికి రాగా.. కార్యకర్తలు రాహుల్ కారు చుట్టూ చేరి నినాదాలు ఇచ్చారు. ఈ క్రమంలోనే రాహుల్ గాంధీ కార్యకర్తలకు అభివాదం చేసుకుంటూ స్టేజీ మీదకు చేరుకున్నారు. రాహుల్ తో పాటు టీపీసీసీ చీఫ్ రేవంత్ రెడ్డి కూడా సభా ప్రాంగణానికి చేరుకున్నారు.