చంద్రబాబు నిర్దోశిగా బయటకురావాలని గణపతికి పూజలు

దిశ, తెలంగాణ బ్యూరో: జగన్ ప్రభుత్వం పెట్టిన కేసులన్నీ తొలగిపోయి చంద్రబాబు నిర్దోషిగా బయటకు రానున్నారని టీడీపీ నాయకులు ఆశాభావం వ్యక్తం చేశారు. ఎన్టీఆర్ భవన్లో బుధవారం వినాయకుడికి ప్రత్యేక పూజలు చేశారు. వచ్చే ఎన్నికల్లో ఆంధ్రప్రదేశ్‌లో టీడీపీ తిరిగి అధికారంలోకి రావాలని, చంద్రబాబు ముఖ్యమంత్రి కావాలని, తెలంగాణలోనూ తెలుగుదేశం పార్టీ ఎన్నికల్లో మెరుగైన ఫలితాలు సాధించి రాజకీయాల్లో మళ్ళీ కీలకపాత్ర పోషించాలని విగ్నేశ్వరుణ్ణి వేడుకున్నారు.

జగన్ ప్రభుత్వం కక్షపూరిత ధోరణి మార్చుకోవాలని, ఆయనకు సద్భుద్దిని కలిగించాలని వేడుకున్నట్లు నేతలు తెలిపారు. ఈ పూజా కార్యక్రమంలో టీడీపీ రాష్ట్ర ప్రధాన కార్యదర్శి అజ్మీరా రాజు నాయక్, రాష్ట్ర మీడియా కో-ఆర్డినేటర్ బియ్యని సురేష్, ఐటీడీపీ రాష్ట్ర అధ్యక్షుడు తాళికోట హరికృష్ణ, ఆ విభాగం నాయకులు నాయుడు, వెంకట్ ప్రసాద్, వివేకానంద, ఎన్టీఆర్ ట్రస్టు భవన్ సిబ్బంది వైకుంఠం, అజయ్, చందు, రాము, బాషా, పాషా, రాము, తదితరులు పాల్గొన్నారు.