నిరుద్యోగులకు భారీ గుడ్ న్యూస్.. 4006 పోస్టుల భర్తీకి నోటిఫికేషన్ రిలీజ్

దిశ, తెలంగాణ బ్యూరో: తెలంగాణ రెసిడెన్షియల్ ఎడ్యుకేషనల్ ఇనిస్టిట్యూషన్స్ రిక్రూట్మెంట్ బోర్డు 4006 ట్రెయిన్డ్ గ్రాడ్యుయేట్‌ టీచర్స్(టీజీటీ) పోస్టులను భర్తీ చేయనుంది. ఈమేరకు గురువారం నోటిఫికేషన్ విడుదల చేసింది. దరఖాస్తు ప్రక్రియ శుక్రవారం నుంచి ప్రారంభంకానుంది. కాగా మే 27వ తేదీ సాయంత్రం 5 గంటల వరకు అప్లికేషన్‌కు అవకాశం కల్పించారు. ఆన్ లైన్‌లో దరఖాస్తు చేసుకోవాలని సూచించారు. పరీక్షకు వారం రోజుల ముందు హాల్ టికెట్ డౌన్ లోడ్ చేసుకోవచ్చని స్పష్టంచేశారు. ఇదిలా ఉండగా గురుకులా పరిధిలో ఉన్న పలు సొసైటీల్లోని ఖాళీలను దీని ద్వారా భర్తీ చేయనున్నారు. కాగా 18 నుంచి 44 ఏండ్ల వయస్సు గల వారు దరఖాస్తు చేసుకోవాలని సూచించారు. వివరాలకు www.treirb.telangana.gov.in వెబ్ సైట్‌ను సందర్శించాలని వెల్లడించారు.

సొసైటీల వారీగా ఖాళీల వివరాలు                   ఖాళీలు

తెలంగాణ సోషల్ వెల్ఫేర్ రెసిడెన్షియల్ ఎడ్యుకేషనల్ సొసైటీలో                  728

తెలంగాణ ట్రైబల్ వెల్ఫేర్ రెసిడెన్షియల్ ఎడ్యుకేషనల్ సొసైటీలో                218

మహాత్మా జ్యోతిబా ఫూలే రెసిడెన్షియలో ఎడ్యుకేషనల్ సొసైటీలో                   2379

తెలంగాణ మైనారిటీస్ రెసిడెన్షియల్ ఎడ్యుకేషనల్ సొసైటీలో                        594

తెలంగాణ రెసిడెన్షియల్ ఎడ్యుకేషనల్ సొసైటీలో                                           87

మొత్తం 4006