గుత్ప ఎత్తిపోతల నీటిని విడుదల చేసిన ఎమ్మెల్యే

దిశ ,నందిపేట్ : నందిపేట మండల కేంద్రంలోని కొండూరు గ్రామంలో అరుగుల రాజా రామ్ గుత్ప ఎత్తిపోతల నీటిని ఎమ్మెల్యే పైడి రాకేష్ రెడ్డి విడుదల చేశారు. ఈ సందర్భంగా ఎమ్మెల్యే రాకేష్ రెడ్డి మాట్లాడుతూ..యాసంగి పంటకు ఈ ఎత్తిపోతల పథకం కింద ఆయకట్టు భూములకు నీటిని విడుదల చేశామన్నారు. నీటిని వృధా చేయకుండా రైతులందరూ సక్రమంగా పంటలు పండించుకోవాలన్నారు. రైతులకు పంటలు బాగా పండితేనే దేశం బాగుపడుతుందని, రైతే రాజుని ఎమ్మెల్యే రాకేష్ రెడ్డి అన్నారు. డొంకేశ్వర్, నందిపేట్ మండలాలకు సంబంధించిన కళ్యాణ లక్ష్మి,షాది ముబారక్ చెక్కులను అందజేశారు. ఈ కార్యక్రమంలో మండల అధ్యక్షులు భూతం సాయి రెడ్డి, లిఫ్ట్ సభ్యులు తదితరులు పాల్గొన్నారు.