నల్లవెల్లి రోడ్డు పనులకు మంత్రి కోమటిరెడ్డి శంకుస్థాపన

దిశ ప్రతినిధి, నిజామాబాద్ నవంబర్ 29: నిజామాబాదు జిల్లా ఇందల్వాయి మండలం నల్లవెల్లి గ్రామంలో కొత్తగా నిర్మిస్తున్న రోడ్డు పనులకు శుక్రవారం రాష్ట్ర మంత్రి కోమటిరెడ్డి వెంకట్ రెడ్డి శంకుస్థాపన చేశారు. నిజామాబాద్ రూరల్ నియోజకవర్గంలో రూ.4 కోట్లతో నల్లవెల్లి నుంచి మంగ్యానాయక్ తండా రోడ్డు, రూ. 18 కోట్లతో చేపడుతున్న నల్లవెల్లి టూ గౌరారం రోడ్డు పనులకు మంత్రి కోమటి రెడ్డి, రూరల్ ఎమ్మెల్యే డాక్టర్ రేకులపల్లి భూపతిరెడ్డి, కలెక్టర్ రాజీవ్ గాంధీ హనుమంతులతో కలిసి శంకుస్థాపనలు చేశారు. ఈ కార్యక్రమంలో సీనియర్ నాయకుడు ఉర్దూ అకాడమీ చైర్మన్ తాహెర్ బిన్ హాందాన్, ధర్పల్లి నర్సయ్య, స్థానిక కాంగ్రెస్ నాయకులు, కార్యకర్తలు పెద్ద యెత్తున పాల్గొన్నారు.