మాజీ ఎమ్మెల్యే జీవన్ రెడ్డి దిష్టిబొమ్మకు శవయాత్ర..

దిశ, నందిపేట్ : నందిపేట్ మండల కేంద్రంలో కాంగ్రెస్ పార్టీ ఆధ్వర్యంలో మాజీ ఎమ్మెల్యే జీవన్ రెడ్డి దిష్టిబొమ్మకు శవయాత్ర నిర్వహించారు. సీఎం రేవంత్ రెడ్డి, పీసీసీ చీఫ్ మహేష్ కుమార్ గౌడ్, వినయ్ కుమార్ రెడ్డిలపై మాజీ ఎమ్మెల్యే చేసిన వ్యాఖ్యల పై కాంగ్రెస్ నాయకులు నిరసన వ్యక్తం చేస్తూ జీవన్ రెడ్డి దిష్టిబొమ్మకు శవయాత్ర నిర్వహించారు.

ఈ సందర్భంగా మండల కేంద్రంలో కాంగ్రెస్ నాయకులు మాట్లాడుతూ ఖబర్దార్ జీవన్ రెడ్డి నోరు అదుపులో ఉంచుకోవాలన్నారు. అనుచిత వ్యాఖ్యలు చేస్తే సహించేది లేదని జీవన్ రెడ్డిని ఈ సందర్భంగా హెచ్చరించారు. ఈ కార్యక్రమంలో మండల అధ్యక్షులు మందమైపోల్, నిజాంబాద్ మార్కెట్ డైరెక్టర్ పెంట ఇందూరుడు, కాంగ్రెస్ కార్యకర్తలు అందరూ పాల్గొన్నారు.