చత్రపతి శివాజీ మహారాజ్ విగ్రహ ప్రతిష్టాపనకు భూమి పూజ...
నిజాంసాగర్ మండల కేంద్రంలోని వీక్లీ బజార్ లో ఆదివారం చత్రపతి శివాజీ మహారాజ్ విగ్రహ ప్రతిష్టాపనకు నిజాంసాగర్ మాజీ సీడీసీ చైర్మన్ పట్లోళ్ల దుర్గారెడ్డి భూమి పూజ చేశారు.
దిశ, నిజాంసాగర్ : నిజాంసాగర్ మండల కేంద్రంలోని వీక్లీ బజార్ లో చత్రపతి శివాజీ మహారాజ్ విగ్రహ ప్రతిష్టాపన చేసేందుకు ఆదివారం భూమిపూజ నిర్వహించారు. ఈ కార్యక్రమానికి నిజాంసాగర్ మాజీ సీడీసీ చైర్మన్ పట్లోళ్ల దుర్గారెడ్డి ముఖ్యఅతిధిగా హాజరై భూమిపూజ చేశారు. వచ్చే చత్రపతి శివాజీ మహారాజ్ జయంతి వరకు విగ్రహ ప్రతిష్టాపన పూర్తిచేస్తామని హిందూ యువత తెలిపారు. ఈ కార్యక్రమాన్ని వేద పండితులు సంజీవ్ శర్మ ఆధ్వర్యంలో పూజాకార్యక్రమాలు నిర్వహించారు.
ఈ కార్యక్రమంలో చంద్రమౌళిశ్వర ఆలయ అధ్యక్షులు రెడ్డి శెట్టి రామ్మోహన్, చందా అశోక్ కుమార్, బంజపల్లి గ్రామసర్పంచ్ ఉమారాణి, గ్రామ ఎంపీటీసీ రీనారాణి సందీప్ కుమార్, మనకోసం మనం సేవాసమితి అధ్యక్షుడు కిషోర్ కుమార్, సత్య గౌడ్, మేకల విజయ్, లింగా గౌడ్, లక్ష్మణ్ దాస్, కోట కిషోర్, రామురాథోడ్, డాక్టర్ యాదవ్, హిందూ యువనాయకులు గ్రామ పెద్దలు పాల్గొన్నారు.