60 ఫీట్ రోడ్డులో పోలీస్ స్పెషల్ డ్రైవ్
జిల్లా కేంద్రంలోని 60 ఫీట్ రోడ్డులో గురువారం పట్టణ పోలీసులు స్పెషల్ డ్రైవ్ నిర్వహించారు.
దిశ, సూర్యాపేట : జిల్లా కేంద్రంలోని 60 ఫీట్ రోడ్డులో గురువారం పట్టణ పోలీసులు స్పెషల్ డ్రైవ్ నిర్వహించారు. దీంతో ఆ రోడ్డులో మోటార్ సైకిల్ పై అధిక వేగంతో శబ్దాలు చేస్తూ వెళ్తున్న ఆకతాయిలకు పోలీసులు అడ్డుకట్ట వేసినట్లయింది. ఈ రోడ్డులో అత్యధికంగా స్కూల్స్, కాలేజీలు ఉన్నందున విద్యార్థులు వచ్చి, వెళ్లే సమయంలో కొందరు యువకులు బైక్‌లతో వచ్చి విద్యార్థులను మానసిక ఇబ్బందులకు గురి చేస్తున్నారని, కొందరు విద్యార్థులు, తల్లిదండ్రులు ఇచ్చిన ఫిర్యాదు మేరకు గురువారం పట్టణ ఇన్స్పెక్టర్ జి. రాజశేఖర్ ఆదేశానుసారం పోలీసులు స్పెషల్ డ్రైవ్ నిర్వహించినట్లు తెలిసింది. అసలే వార్షిక పరీక్షలు జరుగుతున్న ఈ తరుణంలో పోలీసులు ప్రత్యేక డ్రైవ్ నిర్వహించడం పట్ల పలువురు హర్షం వ్యక్తం చేస్తున్నారు. ఇప్పటి నుంచి బైక్ లపై ర్యాష్ డ్రైవ్ చేస్తూ, వాటి ద్వారా వెలువడే శబ్దాలు చేసిన వారిపై కఠిన చర్యలు తప్పవని కూడా పోలీసులు స్ట్రాంగ్ వార్నింగ్ ఇచ్చినట్లు విశ్వసనీయంగా తెలిసింది. ఈ కార్యక్రమంలో కానిస్టేబుల్స్ పూర్ణ, మట్టయ్య పోలీస్ సిబ్బంది పాల్గొన్నారు.