ఆలయాల అభివృద్ధికి కృషి

దిశ, మిర్యాలగూడ :మిర్యాలగూడ నియోజకవర్గ వ్యాప్తంగా ఉన్న ఆలయాల అభివృద్ధి కోసం కృషి చేస్తానని మిర్యాలగూడ శాసనసభ్యులు బత్తుల లక్ష్మారెడ్డి అన్నారు. శుక్రవారం దామరచర్ల మండలం వాడపల్లిలోని శ్రీ లక్ష్మీనరసింహస్వామి కళ్యాణ ఉత్సవంలో పాల్గొన్నారు. అనంతరం మిర్యాలగూడ పట్టణంలోని హౌసింగ్ బోర్డు శ్రీ అలివేలు మంగ పద్మావతి సమేత వెంకటేశ్వర స్వామి ఆలయ జూబ్లీ వార్షికోత్సవాలలో పాల్గొన్నారు. ఈ సందర్భంగా ఆయన మాట్లాడుతూ..ఆలయాల అభివృద్ధికి ప్రత్యేక నిధులు మంజూరు చేయించే విధంగా కృషి చేస్తానని పేర్కొన్నారు. పలువురు దాతలు కూడా ముందుకు వచ్చి ఆలయాల అభివృద్ధికి సాయ సహకారాలు అందించాలని కోరారు. అనంతరం స్వామి వారి తీర్థ ప్రసాదాలను స్వీకరించారు. ఆయన వెంట కాంగ్రెస్ పార్టీ నాయకులు ఉన్నారు.