ప్రవేట్ బస్సు ఢీకొని 14 ఆవులు మృతి.. భారీ నష్టం

దిశ, వేములపల్లి : ప్రైవేటు బస్సు ఢీకొని వలస ఆవులు మృతి చెందిన సంఘటన మంగళవారం తెల్లవారుజామున మండలంలోని బుగ్గ బావి గూడెం సమీపంలో చోటు చేసుకుంది. బాధితులు, స్థానికులు తెలిపిన వివరాల ప్రకారం నల్గొండ జిల్లా నేరేడుగొమ్మ మండలం కాసరాజు పల్లి గ్రామానికి చెందిన రామావత్ రాము, రామావత్ బిక్కన్‌లు మరికొందరితో కలిసి ఆవులను మేపేందుకు సొంత గ్రామాల నుండి వేములపల్లి వైపు వస్తున్నారు.

మిర్యాలగూడ నుంచి హైదరాబాద్ వైపు వెళ్తున్న ప్రైవేట్ బస్సు ఆవులను ఢీకొనడంతో 14 ఆవులు అక్కడికక్కడే మృతి చెందగా మరో ఆరు ఆవులు గాయపడినట్లు బాధితులు పేర్కొన్నారు. ఒక్క ఆవు విలువ 30 వేల రూపాయలు వరకు ఉండగా.. సుమారు ఆరు లక్షల మేరకు నష్టం వాటిల్లినట్లు బాధితులు వాపోతున్నారు. బాధితుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.