తమ్ముడిని హత్య చేసిన అన్న

దిశ, గరిడేపల్లి :ఇంటి స్థలం విషయంలో తమ్ముడిని అన్న హత్య చేసిన సంఘటన శనివారం సూర్యాపేట జిల్లా గరిడేపల్లి మండల పరిధిలోని రంగాపురం గ్రామంలో జరిగింది. స్థానిక ఎస్ఐ నరేష్ తెలిపిన వివరాల ప్రకారం..నకిరేకంటి సంజీవ్(26) తన అన్న నకిరికంటి అంజయ్య,తండ్రి నకిరికంటి నెహ్రూ లకు కుటుంబ తగాదాలు ఉన్నాయని, అంతే కాకుండా ఇంటి స్థలం విషయంలో పంచాయతీ కావడంతో..గొడవపడి మధ్యాహ్నం రోకలి బండ ,కర్రతో కొట్టుకున్నారు. సంజీవ గొంతు పైన, ఎడమ భుజంపైన,తల ఎడమవైపున పలు చోట్ల గాయాలు అయ్యి మృతి చెందాడు. మృతుడి భార్య అనిత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ చలికంటి నరేష్ తెలిపారు.