కృష్ణానదిలో గుర్తు తెలియని మృతదేహం లభ్యం

తిరుమలగిరి (సాగర్) : కృష్ణా నది ఒడ్డున గుర్తు తెలియని వ్యక్తి మృతదేహం లభ్యమైంది. ఈ సంఘటన మండలంలోని జమ్మన్నకోట గ్రామ పరిధిలోని కృష్ణానది ఒడ్డున వెలుగుచూసింది. ఎస్సై వీరాశేఖర్ తెలిపిన వివరాలు ప్రకారం..కృష్ణా నదిలో ఓ వ్యక్తి మృతదేహం ఉన్నట్లు స్థానికులు గమనించారు. దీంతో పోలీసులకు సమాచారం అందించగా..సంఘటన స్థలానికి చేరుకొని మృతదేహాన్ని పరిశీలించారు. సుమారు 50 సంవత్సరాల వయస్సు కలిగిన వ్యక్తి మృతదేహం ఉన్నట్లు తెలిపారు. నీలిరంగు గీతలు కలిగిన చొక్కా,ఆరంజ్ రంగు బనియన్,తెలుపు రంగు పంచె కట్టుకొని ఉన్నాడని ఆయన తెలిపారు. మృతుడి కాళ్లకు నీలం రంగు నైలాన్ తాడు కట్టి ఉందని అన్నారు. మృతుడి వివరాలు తెలిసినవారు 8712670199 నెంబర్ కు సమాచారం ఇవ్వాలని కోరారు.