Totakura Vajresh Yadav : ప్రజాపాలనలో దీర్ఘకాలిక సమస్యలకు శాశ్వత పరిష్కారం..

దిశ, జవహర్ నగర్ : దీర్ఘకాలికంగా వెంటాడుతున్న సమస్యలకు త్వరలోనే శాశ్వత పరిష్కారం చూపుతామని మేడ్చల్ నియోజకవర్గం కాంగ్రెస్ పార్టీ ఇంచార్జ్ తోటకూర వజ్రేష్ యాదవ్ అన్నారు. జవహర్ నగర్ కార్పొరేషన్ సరిహద్దులోని వంపుగూడలో డ్రైనేజీ సమస్యలను బుధవారం ఉప్పల్ నియోజకవర్గం కాంగ్రెస్ పార్టీ ఇంచార్జ్ పరమేశ్వర్ రెడ్డితో కలిసి వజ్రేష్ యాదవ్ పరిశీలించారు. ఈ సందర్భంగా ఆయన మాట్లాడుతూ.. బీఆర్ఎస్ ప్రభుత్వంలో ప్రజల సమస్యలను పట్టించుకోలేదని, అభివృద్ధి కుంటుపడిందని వాపోయారు.

రేవంత్ రెడ్డి నాయకత్వంలో ప్రజా సమస్యలను గుర్తించి మెరుగైన పాలన అందించడమే లక్ష్యంగా ప్రజాపాలనతో ముందుకు సాగుతున్నామని తెలిపారు. జవహర్ నగర్ కార్పొరేషన్ పరిధిలో అనేక సమస్యలు ఉన్నాయని వాటి పరిష్కారం కోసం సీఎం దృష్టికి తీసుకెళ్లి అధిక నిధులు తెచ్చి ప్రజల కష్టాలను తీర్చుతామన్నారు. ఈ కార్యక్రమంలో మేయర్ శాంతి కోటేష్ గౌడ్, డిప్యూటీ మేయర్ రెడ్డి శెట్టి శ్రీనివాస్, జవహర్ నగర్ మున్సిపల్ కార్పొరేషన్ కాంగ్రెస్ పార్టీ అధ్యక్షుడు మల్లెపూల శ్రీకాంత్ యాదవ్, కార్పొరేటర్లు, అధికారులు , స్థానిక నాయకులు, కాలనీవాసులు తదితరులు పాల్గొన్నారు.