దేవాలయాల నిర్మాణాలకు సంపూర్ణ సహకారం.. ఎమ్మెల్యే గూడెం మహిపాల్ రెడ్డి

దిశ, అమీన్ పూర్: నూతన దేవాలయాల నిర్మాణాలకు సంపూర్ణ సహకారం అందిస్తున్నామని పటాన్ చెరు ఎమ్మెల్యే గూడెం మహిపాల్ రెడ్డి తెలిపారు. పటాన్ చెరు పట్టణంలోని జేపీ కాలనీలో నూతనంగా నిర్మిస్తున్న శ్రీ రుక్మిణి సత్యభామ వేణుగోపాల స్వామి దేవాలయం, గాలి గోపురం, శాంతినగర్ కాలనీ శ్రీ ప్రసన్నాంజనేయ స్వామి దేవాలయాల నిర్మాణ పనులను బుధవారం ఆయన స్వయంగా పరిశీలించారు. అనంతరం ఆయన మాట్లాడుతూ.. దేవాలయాలు ఆధ్యాత్మిక కేంద్రాలు అని, మనిషిలోని రుగ్మతలను పోగొట్టడానికి దేవాలయాలు ఉపయోగపడతాయని తెలిపారు. నియోజకవర్గంలో అన్ని మతాల ప్రార్థనా దేవాలయాలను అభివృద్ధి పరుస్తున్నామని తెలిపారు. ఈ కార్యక్రమంలో స్థానిక కార్పొరేటర్ మెట్టు కుమార్ యాదవ్, టీఆర్ఎస్ పార్టీ నాయకుడు సత్యనారాయణ తదితరులు పాల్గొన్నారు.