13 వేల మెజారిటీతో మాణిక్ రావు గెలుపు

దిశ, జహీరాబాద్ : జహీరాబాద్ నియోజకవర్గ ఎమ్మెల్యేగా కొనింటి మాణిక్ రావు విజయం సాధించారు. సమీప కాంగ్రెస్ అభ్యర్థి మాజీమంత్రి డాక్టర్ ఏ చంద్రశేఖర రావు పై 13,310 ఓట్ల మెజారిటీతో గెలుపొందారు. మొదటి రౌండు నుంచే నియోజకవర్గ ఓటర్ల అభిమానాన్ని సంపాదించిన మాణిక్ రావు చివరి రౌండర్ వరకు అదే ఒప్పుకొని కొనసాగించి 96,930 ఓట్లు సొంతం చేసుకున్నాడు. అదేవిధంగా ప్రత్యర్థి కాంగ్రెస్ పార్టీకి చెందిన చంద్రశేఖర్ కు 83,620 ఓట్లు, బీజేపీకి 13,454 ఓట్లు పోలయ్యాయి. దీంతో బీఆర్ఎస్ అభ్యర్థికి 13,310 ల మెజారిటీ దక్కింది. నియోజకవర్గంలో మొత్తం ఓట్లు 2,70,785 కాగా 76.72 శాతం మంది అనగా 2,07,748 ఓట్లు పోలయ్యాయి. ఈ ఓట్లను 17 రౌండ్లలో ఓట్లను లెక్కించి అభ్యర్థుల విజయాన్ని తేల్చేశారు.