గుర్తుతెలియని మృతదేహం లభ్యం

దిశ, చిన్నశంకరంపేట: గుర్తు తెలియని మృతదేహం లభ్యమైన ఘటన మాసాయిపేట, మనోహరాబాద్ రైల్వే స్టేషన్ల మధ్య ఉన్న మేచురసీ ఫ్యాక్టరీ వద్ద చోటుచేసుకుంది. రైల్వే పోలీస్ తావునాయక్ తెలిపిన వివరాల ప్రకారం మేచురసీ ఫ్యా్క్టరీ వద్ద గుర్తు పట్టని స్థితిలో ఉన్న సుమారు 45, 50 ఏళ్ల మృతదేహం లభ్యమైంది. ఎరుపు, పచ్చ, గులాబీ మూడు రంగులు కలిసి ఉన్న చీర, ఎర్రని జాకెట్, బాదంతో కూడిన రోల్డ్ గోల్డ్ పుస్తే, కాళ్లకు స్టీల్ మట్టెలు, కుడి చేతికి రోల్డ్ గోల్డ్ రింగ్ ఉందని ఆయన తెలపారు. మృతదేహాన్ని ఎవరైనా గుర్తిస్తే కామారెడ్డి రైల్వే పోలీస్ స్టేషన్, సెల్ నెం.9440 7000 34 కు సమాచారం అందజేయాలని ఆయన కోరారు.