రాష్ట్రంలోనే ఆర్టీసీని ప్రథమ స్థానంలో నిలబెడతాం : ఆర్ఎం శ్రీదేవి

దిశ ప్రతినిధి, మహబూబ్ నగర్: ఉమ్మడి మహబూబ్ నగర్ జిల్లా ఆర్టీసీని అన్ని రంగాల్లో మొదటి స్థానంలో నిలబెడతామని ఉమ్మడి మహబూబ్ నగర్ జిల్లా ఆర్టీసీ రీజనల్ మేనేజర్ వి. శ్రీదేవి అన్నారు. ఆర్టీసీ యాజమాన్యం విసిరిన 'గ్రాండ్ ఫెస్టివల్ ఛాలెంజ్ 2023-24' ఛాలెంజ్‌ను రాష్ట్రంలో రెండవ స్థానాన్ని నిలబెట్టినందుకు గురువారం హైదరాబాద్ ఆర్టీసీ కళాభవన్‌లో ఏర్పాటు చేసిన కార్యక్రమంలో రాష్ట్ర రవాణాశాఖ మంత్రి పొన్నం ప్రభాకర్, సంస్థ ఆర్టీసీ ఎండి సజ్జనార్‌లు ఆర్ఎం శ్రీదేవిని ఘనంగా సన్మానించి, అవార్డును, రూ. 75 వేల రూపాయల చెక్కును ప్రధానం చేశారు. ఈ సందర్భంగా రవాణా శాఖ మంత్రి పొన్నం ప్రభాకర్ మాట్లాడుతూ… కార్మికులకు పీఆర్సీ, కొత్త బస్సులు కొనుగోలు, సిబ్బంది నియామకాల గురించి సీఎం రేవంత్ రెడ్డితో మాట్లాడుతానని అన్నారు. ఈ కార్యక్రమంలో ఆర్టీసీ ఎండి సజ్జనార్ ఈడీ పురుషోత్తం నాయక్, డీప్యూటీ ఆర్ఎం శ్యామల, తదితర అధికారులు పాల్గొన్నారు.