ట్రాక్టర్‌ను ఢీకొన్న స్కూల్ బస్సు.. తప్పిన పెను ప్రమాదం

దిశ,బిజినేపల్లి : నాగర్ కర్నూల్ జిల్లా బిజినపల్లి మండలం వట్టెం గ్రామ శివారులో ట్రాక్టర్, స్కూల్ బస్సు ఢీకొన్నాయి. స్థానికులు తెలిపిన వివరాల ప్రకారం బిజినపల్లి నుండి కోర్పర్తి గ్రామం కోరపర్తి మిట్ట తండాల విద్యార్థులను ఎక్కించుకొని నుంచి భాజీపూర్ వెళ్తున్న మెదన్స్ స్కూల్ బస్సు అతివేగంతో ట్రాక్టర్ ను ఢీకొట్టింది.దీంతో బస్సు బోల్తా పడడంతో పలువురు విద్యార్థులకు గాయాలు అయ్యాయి. గాయాలైన విద్యార్థులను స్థానికులు 108 కి సమాచారం ఇవ్వడంతో వైద్యం కోసం నాగర్ కర్నూల్ ఆస్పత్రికి తరలించినట్లు తెలిపారు.