మన్నె వెంకట్రాంరెడ్డికి Minister Srinivas Goud నివాళి

దిశ, నవాబుపేట: ఇటీవల దివంగతుడైన ప్రముఖ పారిశ్రామికవేత్త మన్నె వెంకట్రాంరెడ్డికి కుటుంబ సభ్యులను శుక్రవారం మత్రి శ్రీనివాస్ గౌడ్ తో పాటు పలువురు ప్రముఖులు పరామర్శించారు. అనంతరం వెంకట్రాంరెడ్డి చిత్రపటానికి పూలమాల వేసి నివాళులు అర్పించారు. అనంతరం వెంకట్రాంరెడ్డి తనయుడు, టీటీడీ బోర్డు సభ్యుడు మన్నె జీవన్ రెడ్డి, ఆయన సోదరుడు మహబూబ్ నగర్ ఎంపీ మన్నె శ్రీనివాస్ రెడ్డి తదితరులను వారంతా పరామర్శించారు. ఈ సందర్భంగా తమ ప్రగాఢ సంతాపాన్ని తెలియజేశారు. అనంతరం మంత్రి శ్రీనివాస్ గౌడ్ మాట్లాడుతూ.. వెంకట్రాంరెడ్డి సేవలను నేతలు కొనియాడారు. పారిశ్రమిక రంగంలో వెంకట్రాంరెడ్డి జిల్లాకు మూల స్తంభంలా నిలిచారని అన్నారు.

వెంకట్రాంరెడ్డి కుటుంబాన్ని పరామర్శించవారిలో జిల్లా గ్రంథాలయ సంస్థ చైర్మన్ రాజేశ్వర్ గౌడ్, ఎస్టీ కార్పొరేషన్ రాష్ట్ర అధ్యక్షుడు వాల్యా నాయక్, ఎంపీపీ బి.అనంతయ్య, వైస్ ఎంపీపీ సంతోష్ రెడ్డి, బీఆర్ఎస్ పార్టీ మండల అధ్యక్షుడు, పీఏసీఎస్ చైర్మన్ మోడెమోని నర్సింలు, మార్కెట్ కమిటీ చైర్మన్ మెండే లక్ష్మయ్య, సర్పంచుల సంఘం జిల్లా ప్రధాన కార్యదర్శి యాదయ్య, మూడ డైరెక్టర్ గండు చెన్నయ్య, మండల రైతు సమన్వయ కమిటీ అధ్యక్షుడు సి.మధుసూదన్ రెడ్డి, మండల టిడిపి ప్రధాన కార్యదర్శి కె.ప్రతాప్ మాజీ ఎంపీపీ కె.శ్రీనివాస్, నవాబుపేట సర్పంచ్ గోపాల్ గౌడ్, మాజీ సర్పంచ్ నారాయణ తదితరులు ఉన్నారు.