సీఎం సహాయనిధికి రూ. కోటి విరాళం అందజేసిన జితేందర్ రెడ్డి

దిశ, మహబూబ్ నగర్ బ్యూరో : రాష్ట్రాంలో వరదల వల్ల నష్టపోయిన ప్రజలకు అండగా నిలవాలని రాష్ట్ర ముఖ్యమంత్రి రేవంత్ రెడ్డి ఇచ్చిన పిలుపు మేరకు ఢిల్లీలో రాష్ట్ర ప్రభుత్వ ప్రతినిధి జితేందర్ రెడ్డి తనవంతుగా రూ. కోటి విరాళాన్ని అందజేశారు. శుక్రవారం సెక్రటేరియట్ లో ముఖ్యమంత్రిని జితేందర్ రెడ్డి ఆర్ సుదర్శన్ రెడ్డి, ఏపీ మిథున్ రెడ్డి, ఏపీ సంజయ్ రెడ్డి తదితరులతో కలిసి ఈ మేరకు ముఖ్యమంత్రికి చెక్కును అందజేశారు. ఈ సందర్భంగా జితేందర్ రెడ్డి మాట్లాడుతూ … వరదల వల్ల నష్టపోయిన ప్రజలకు మేలు చేసేందుకు ముఖ్యమంత్రి రేవంత్ రెడ్డి ఆధ్వర్యంలో తెలంగాణ రాష్ట్ర ప్రభుత్వం చేపట్టిన చర్యలు సత్ఫలితాలను ఇస్తున్నాయని చెప్పారు. ఇందులో భాగంగానే తన వంతుగా విరాళాన్ని అందజేయడం జరిగిందని వెల్లడించారు. ఈ కార్యక్రమంలో రాష్ట్ర మంత్రి పొంగులేటి శ్రీనివాస్ రెడ్డి తదితరులు ఉన్నారు.