నేషనల్ క్రియేటర్ ఎంపికైన పాలమూరు వాసి

దిశ ప్రతినిధి, మహబూబ్ నగర్: నేషనల్ క్రియేటర్ అవార్డు 2024 ఈవెంట్‌కు పాలమూరు వాసి మఠం మయూర్ నాథ్ ఎంపికయ్యారు. దేశం మొత్తం 130 మందిని ఎంపిక చేయగా అందులో తెలంగాణ రాష్ట్రం నుంచి 5 మంది మాత్రమే ఎంపికయ్యారు. అందులో 4 గురు హైదరాబాద్ వాసులు కాగా, ఒక్కరు పాలమూరు వాసి మఠం మయూర్ నాథ్. ఈ నెల 8న ఢిల్లీలో జీ 20 సమ్మిట్ కోసం ప్రత్యేకంగా నిర్మించిన భారత మండపంలో జరిగే కార్యక్రమంలో ప్రధాన మంత్రి నరేంద్ర మోదీ ముఖ్యఅతిథిగా పాల్గొని అవార్డును ప్రదానం చేస్తారని మయూర్ నాథ్ తెలిపారు.