Karnataka EX CM Kumar Swamy Praises Minister KTR

దిశ, తెలంగాణ బ్యూరో: కర్నాటక మాజీ సీఎం కుమారస్వామి ఆదివారం ప్రగతి భవన్ లో మంత్రి కేటీఆర్ తో భేటీ అయ్యారు. బ్రేక్ ఫాస్ట్ తర్వాత పలు అంశాలపై ఇరువురు చర్చించారు. ప్రకాశవంతమైన దార్శనికత, వినూత్న ఆలోచనలు, బలమైన నాయకత్వం-వ్యక్తిత్వంపై సుదీర్ఘంగా చర్చించారు. కర్ణాటక-తెలంగాణ రాష్ట్రాల సమస్యలు, జాతీయ రాజకీయాలకు సంబంధించిన ముఖ్యమైన అంశాలపై చర్చించారు. తెలంగాణ సంక్షేమ పథకాలు, అమలుతీరు, కేంద్రవైఫల్యాలపై చర్చ అర్థవంతంగా సాగినట్లు కుమారస్వామి తెలిపారు. 'కేటీఆర్ అభిమానం, విశ్వాసం,గౌరవంతో నా హృదయం నిండిపోయింది' అని ట్విట్టర్ వేదికగా కుమారస్వామి పేర్కొన్నారు.