‘ఎక్కడ డిగ్రీలు చదివారు రా బాబు..’ కంగనా రనౌత్‌పై కేటీఆర్ సెటైరికల్ ట్వీట్

దిశ, వెబ్‌డెస్క్: బీజేపీ నేతల పీఎం వ్యాఖ్యలపై బీఆర్ఎస్ వర్కింగ్ ప్రెసిడెంట్ కేటీఆర్ సెటైర్లు వేశారు. బీజేపీ నుంచి ఎంపీగా పోటీ చేస్తున్న బాలీవుడ్ స్టార్ హీరోయిన్ కంగనా ఓ ఛానెల్‌లో మాట్లాడుతూ.. నేతాజీ సుభాష్ చంద్రబోస్ స్వాతంత్ర భారత తొలి ప్రధాని అని కామెంట్ చేశారు. ఇదే అంశంపై ట్విట్టర్ వేదికగా కేటీఆర్ స్పందించారు. ‘నార్త్‌కు చెందిన ఓ బీజేపీ ఎంపీ క్యాండిడేట్ సుభాష్ చంద్రబోస్ మన తొలి ప్రధాని అని చెబుతున్నారు. సౌత్‌కు చెందిన మరో బీజేపీ నేత మహాత్మాగాంధీ మన ప్రధాని అంటున్నారు. వీళ్లంతా అసలు డిగ్రీలు ఎక్కడా చదివారు రా బాబు? అని ట్వీట్ చేశారు. దీనికి నవ్వుతున్న ఎమోజీని కేటీఆర్ జత చేశారు. ప్రస్తుతం కేటీఆర్ ట్వీట్ సోషల్ మీడియాలో వైరల్ అవుతోంది.