హెచ్పి గ్యాస్ గోడౌం సమీపంలో భారీ అగ్ని ప్రమాదం.. తృటిలో తప్పిన ప్రమాదం..

దిశ, పెనుబల్లి : మండల కేంద్రంలోని హెచ్పి గ్యాస్ గోడౌం సమీపంలోని తోటలో గడ్డివాముకు నిప్పు అంటుకోవడంతో అగ్ని ప్రమాదం చోటు చేసుకుంది. దీంతో సమీపంలో ఉన్న తాడిచెట్లు కూడా దగ్ధమయ్యాయి. వెంటనే ఫైర్ సిబ్బందికి సమాచారం అందించారు. పంచాయతీ సిబ్బంది స్థానికుల సహాయంతో ఫైర్ సిబ్బంది మంటలను అదుపులోనికి తీసుకువచ్చారు. ఇదిలా ఉండగా గ్రామసమీపంలో ఉన్న హెచ్పిగ్యాస్ గోడౌన్ దగ్గరలోనే ఈ అగ్నిప్రమాదం జరగడంతో ప్రజలు ప్రాణాలు గుప్పెట్లో పెట్టుకుని భయభ్రాంతులకు గురయ్యారు.

ఈ గ్యాస్ గోడౌన్ ద్వారా పెనుబల్లి గ్రామం మొత్తానికి ప్రమాదం ఏర్పడుతుందని, గ్రామప్రజలు ఆందోళన చెందుతున్నారు. అయితే గ్యాస్ గో డౌన్ నిర్మాణం చేసేటప్పుడే స్థానికులు వ్యతిరేకించినప్పటికీ అప్పటి సంబంధిత అధికారులు అనుమతులు ఇవ్వడంతో దీనిని గ్రామ సమీపంలో నిర్మించారని, గ్రామ సమీపంలో ఉన్న ఈ గ్యాస్ గోడౌన్ తో పెనబలి గ్రామానికి ఎప్పుడైనా ప్రమాదం పొంచి ఉంటుందని, పెనుబల్లి గ్రామ ప్రజలు ఆందోళన వ్యక్తం చేస్తున్నారు. సంబంధిత అధికారులు తక్షణమే స్పందించి దీని పై వెంటనే చర్యలు తీసుకొని, గ్యాస్ గోడౌను గ్రామ సమీపం నుండి తొలగించాలని అధికారులను వేడుకుంటున్నారు.