పార్లమెంట్ ఎన్నికలపై ఈటల రాజేందర్ కీలక వ్యాఖ్యలు

దిశ, వెబ్‌డెస్క్: పార్లమెంట్ ఎన్నికలపై బీజేపీ నేత ఈటల రాజేందర్ కీలక వ్యాఖ్యలు చేశారు. గురువారం కొంగరకలాన్‌లో మీడియాతో ఆయన మాట్లాడారు. బీజేపీపై ఎన్ని కుట్రలు చేసినా ఉత్తర తెలంగాణ ప్రజలు గెలిపించారన్నారు. ఉత్తర తెలంగాణలో 8 సీట్లకు 7 గెలిపించారన్నారు. బీజేపీకి ఎన్నికల్లో దాదాపు 15 శాతం ఓటింగ్ వచ్చిందన్నారు. పార్లమెంట్ ఎన్నికల్లో బీజేపీకి ఓటు వేస్తామని ప్రజలు చెబుతున్నారన్నారు. బీఆర్ఎస్‌కు బీజేపీ ప్రత్యామ్నాయం అని నిరూపితమైందన్నారు. దేశ ప్రజలకు మోడీపై విశ్వాసం పెరిగిందన్నారు. పరిష్కారం కాని అనేక సమస్యలను మోడీ ప్రభుత్వం తీర్చిందన్నారు. ఆర్టికల్ 370ని రద్దు చేసిన ధీశాలి ప్రధాని మోడీ అన్నారు. మోడీ నాయకత్వంలో దేశ ప్రతిష్ట పెరిగిందన్నారు.