సీడబ్ల్యూసీ మీటింగ్‌పై మల్లికార్జున ఖర్గే కీలక వ్యాఖ్యలు
ఐదు రాష్ట్రాల ఎన్నికలపై సీడబ్ల్యూసీ మీటింగ్‌లో చర్చించనున్నట్లు కాంగ్రెస్ జాతీయాధ్యక్షుడు మల్లికార్జున ఖర్గే తెలిపారు.
దిశ, వెబ్‌డెస్క్: కాంగ్రెస్ వర్కింగ్ కమిటీ సమావేశంలో మల్లికార్జున ఖర్గే కీలక వ్యాఖ్యలు చేశారు. ఐదు రాష్ట్రాల ఎన్నికలపై సీడబ్ల్యూసీ మీటింగ్‌లో చర్చించనున్నట్లు ఖర్గే తెలిపారు. రానున్న ఎన్నికల వ్యూహానికి సంబంధించి టాప్ లీడర్లతో హైదరాబాద్‌లో నేడు సమావేశం ఉంటుందన్నారు. తాను పార్టీ జాతీయ అధ్యక్షుడు అయిన తర్వాత జరిగే తొలి సీడబ్ల్యూసీ మీటింగ్ ఇదే అన్నారు. ఈ కీలక సమావేశంలో రాహుల్ గాంధీ, సోనియా గాంధీ, ప్రియాంక గాంధీ పాల్గొంటున్నారన్నారు. ఈ రోజు, రేపు జరిగే కీలక సమావేశాల్లో పార్టీ తీసుకునే నిర్ణయాలపై చర్చించనున్నట్లు తెలిపారు. ఐదు రాష్ట్రాల ఎన్నికల్లో అనుసరించే వ్యూహాలపై కీలక నిర్ణయాలు తీసుకోబోతున్నామన్నారు. ఈ భేటీ ముగిసిన అనంతరం మిత్రపక్షాలతో ఇండియా కూటమి భేటీ త్వరలో ఉంటుందని మల్లికార్జున ఖర్గే తెలిపారు.