ఉగాది పర్వదినాన ఎర్రవెల్లి గ్రామస్తులతో KCR స్పెషల్ మీట్

దిశ, వెబ్‌డెస్క్: ఉగాది పర్వదినాన్ని పురస్కరించుకుని మాజీ సీఎం, బీఆర్ఎస్ చీఫ్ కేసీఆర్ ఎర్రవెల్లి గ్రామస్తులను కలిశారు. ఎర్రవెల్లిలో తన ఫామ్ హౌస్‌కు విచ్చేసిన గ్రామ ప్రజలతో కాసేపు సమయం గడిపారు. కేసీఆర్ వెంట సిద్ధిపేట ఎమ్మెల్యే హరీష్ రావు, దుబ్బాక ఎమ్మెల్యే కొత్త ప్రభాకర్ రెడ్డి ఉన్నారు. కేసీఆర్‌ను చూసేందుకు పెద్ద సంఖ్యలో ప్రజలు తరలివచ్చారు. జై కేసీఆర్, సీఎం సీఎం అంటూ నినాదాలతో హోరెత్తించారు. కేసీఆర్ ఉగాదితో పాటు, ముస్లిం సోదరులకు రంజాన్ శుభాకాంక్షలు తెలిపారు. మనమంతా తెలంగాణ సాధించినవాళ్లమని ఇంకా ముందుకు ప్రయాణించాల్సి ఉందని ప్రజలను ఉద్దేశించి అన్నారు.