మున్సిపల్ చైర్ పర్సన్ తొందరపడి రాజీనామా చేశారు: అధికార పార్టీ కౌన్సిలర్లు

దిశ, జగిత్యాల టౌన్: జగిత్యాల మున్సిపల్ చైర్ పర్సన్ బోగ శ్రావణి తన పదవికి రాజీనామా చేస్తున్నట్లు ప్రకటించిన కొద్దిసేపట్లోనే అధికార పార్టీకి చెందిన 34 మంది కౌన్సిలర్లు జిల్లా కేంద్రంలోని బీఆర్ఎస్ పార్టీ కార్యాలయంలో మీడియా సమావేశం నిర్వహించారు. ఈ సమావేశంలో కౌన్సిలర్లు మాట్లాడుతూ శ్రావణి తొందరపడి రాజీనామా చేశారని, గత నాలుగు రోజుల నుండి జరుగుతున్న పరిణామాల నేపథ్యంలో ఈ రోజు మధ్యాహ్నం కూర్చొని మాట్లాడుకుందాం అని అధికార పార్టీ కౌన్సిల్ సభ్యులు అనుకున్న టైమ్ లో ఆ సమావేశానికి రాకుండా రాజీనామా చేస్తున్నట్లు ప్రకటించారని తెలిపారు. ఎమ్మెల్యే సంజయ్ కుమార్ ను దొర అని సంబోందించడం బాధాకరమని, ఆయనపై చేసిన ఆరోపణలు వాస్తవం కాదన్నారు.